السلام عليكم أنا عندي 35 سنة ومطلقة وعندي 3 اولاد وبعد ما اتطلقت روحنا نعيش في بيت أخويا وهو متجوز ومخلف لانه قاعد في شقة العيله وكانت ماما عايشه معاه لكن توفت وشقتي اللي اتجوزت فيها بيت عيلة ومقدرتش استحمل أقعد فيها مع عيله طليقي واتفقت مع طليقي هقعد عند اخويا واقفل الشقه ديه على عفشي وحاجتي ومتأكده ان محدش هيقدر يعمل حاجه في الشقه لأني قائمتي معايا وشايللاها عند اخويا وقولت لطليقي لما يحب يشوف الولاد يبقى يجيلي عند أخويا المشكلة ان مرات اخويا ست حرباية بمعنى الكلمه وما بتحبنيش لا أنا ولا ولادي ومش طايقة قعدتنا في البيت وعاوزه تمشينا باي طريقه ومش بتخدمنا ولا بترتب اوضتنا اللي بننام فيها مع اننا ضيوف عندها ولا بتساعدني في أي حاجة خاصة بولادي رغم انها في الأول كانت كويسة معانا معرفش ايه اللي غيرها لدرجه انها فجأة بقت عايزانا نسيب البيت ودايما تتخانق معايا ومع ولادي وديما خناق مع اخوياا واوقات كتير تاخد عيالها وتقعد عند اهلها باليومين والتلاته ولا تعبرنا ولا حتى تعبر جوزها وانا مبقتش عارفه اعمل ايه ولا قادره أعيش في شقتي ولا قادره أعيش في شقة اهلي ومش مرتاحه مع البت ديه ومش هينفع أقعد لوحدي بعيالي في شقة إيجار محدش هيوافق دلوقتي المشكلة اللي زي دي حلها ايه من رايكم