نا متجوزة من 18 سنة وكان عندي طفلين وبعد 10 سنين فوجئت اني حامل وسني كان كبر شوية فالطفل ده اخد مني مجهود في الحمل والولادة والتربية وجوزي ماشاركش معايا في اي حاجة ولا حتي جه معايا مرة واحدة لدكتورة ..المهم ابني عنده دلوقتي 5 سنين وطول الفترة دي انا من المجهود مع الولاد والبيت اهملت حقوق جوزي خصوصا ان كل حاجة عليا انا من مشاوير وطلبات وهو عبارة عن بنك فقط يدفع بس...هو بقاله سنة بيكلم بنات علي برنامج تعارف وبيكلمهم كلام وحش وانا قرأته بنفسي واتخانقنا اول مرة واعتذر وصالحني وحلف انه مايرجع تاني ورجع مرة وانتين وثلاثة واربعة وطل مرة اسامحه ويحلف ويرجع تاني..انا خلاص فقدت الثقة فيه لانه بيحلف كذب وبيقول لاني مقصرة معاه في العلاقة هو بيعمل كده ويكلم بنات.. انا طلبت الطلاق بس اهلنا رافضين...هل انا عندي حق في طلب الطلاق خصوصا اني حاسة انه عمره ما هيتغير...واللي هيسألني مقصرة معاه ليه في العلاقة هقولكم لانه مش بيهتم بنفسه ووزنه كبير جدا 133 كيلو ومش بيحب يعمل دايت ولا رياضة وكمان انا قافلة منه لانه ملوش في حياتنا اي دور فحاسة انه مش سند ليا في الدنيا وسايبني ع طول انا اعمل اي حاجة سباكة نجارة كهربا في البيت وهو مبيعرفش يعمل اي حاجة حاسة اني انا الراجل وهو الست فبنفر من العلاقة معاه وواجهته بكل ده ومفيش تغيير