أنا آسفة إنى هحكى مشكلتى بتفاصيلها لأنها محرجة شوية لكن مش عارفة أعمل ايه أنا كنت أرملة عندى ٣٣ سنة و٣ أطفال لكن الظروف كانت صعبة واتقدملى رجل أعــزب وغنى عمره ٤٦ سنة وافقت علشان الأولاد وفى الرؤية الشرعية طلب يتكلم معايا فى حاجة مهمة على انفراد وقالى إنه هيهتم بالأطفال وهيعاملهم كأبنائه وهيوفرلنا مستوى مادى ممتاز ابتغاء للأجر الأخروى إلا إنه مش هيقدر يتعامل معايا كزوجة لحاجة فى نفسه وليس لمشكلة طبية استغربت جدا من الكلام و حسيت فيه شئ غامض كده لكن بعد تردد وافقت وفوضت أمرى لله وتم الزواج من سنة وكان صادق بخصوص الأطفال حنين عليهم و مكنتش أحلم ابدا بالى بيعمله معاهم ووعدنى إنه هيوصى ليهم بتلت ثروته علشان مينسهوش ويلاقى الى يدعيله بعد ما يمـ،،وت وكمان هما بيحبوه جدا واتعلقوا بيه المشكلة بقى إن بدأت تلح عليا احتياجات كإمرأة واتكلمت معاه قال إنه كان صريح ومخد.عنيش ولو حابة أط.ـلق مفيش مشكلة وبرضه مش هيقصر مع الأولاد لكن مش هيقدر يقدملهم نفس الى بيقدمه دلوقت لأن سبب الزواج هو انه يقدر يتعامل بدون حرج وأنا كنت عايز اعرف ليه راجل زيه يقعد كل ده من غير زواج خصوصا إنى اتأكدت بطريقة ما مفيش داعى لذكرها إنه فعلا معندوش أى مشكلة طبية لأنى كنت شكيت بصراحة إن فيه حاجة غلط لكن عنده قرف