السلام عليكم ورحمة الله وبركاته، يا شيوخنا الأفاضل، حابب أستشيركم في موضوع شفته قبل كم يوم في مقطع انتشر بشكل كبير على التيك توك ولحس مخي الصراحة وأبي أعرف الحكم الصحيح فيه. المقطع كان لرجال يصلون جماعة في المسجد، وفجأة دخل بينهم ثعبان وقرص واحد من المصلين، فالرجال من الصدمة والألم صرخ بأعلى صوته "أفعى.. أفعى!". المصلين اللي حوله كلهم خافوا وقطعوا صلاتهم عشان يشوفون وش السالفة ويبعدون عن الخطر، والثعبان يلف ويمشي بين المصلين.

المشكلة مو في المقطع، المشكلة لما دخلت على التعليقات لقيت ناس كثير شادين حيلهم وكاتبين: "هذا حرام ولا يجوز تقطعون صلاتكم"، وبعضهم يقول "كان لازم تكملون صلاتكم والي سويتوه غلط وغير جائز".

أنا الصراحة استغربت ودخلني الشك، الحين في مثل هالمواقف لما يكون فيه خطر حقيقي على الحياة وثعبان يقرص ويلف بين الناس، وش الحكم الشرعي؟ هل فعلهم بقطع الصلاة جائز لحماية أنفسهم ولا حرام ومكروه مثل ما يقولون بالتعليقات؟ ووش المفروض على المصلين يسوونه في هذه الحالة لو تكررت لا قدر الله؟

أفيدونا جزاكم الله خير الجزاء، لأن الكلام كثر وحابب آخذ العلم الأكيد منكم.