انا بنت عندي ١٧سنه بس تعاملاتي مع الناس نادره جدا من وانا طفله ولا بنزور حد ولا حد بيزورنا غير نادر، وعيلتي دايما ف حالها حتي بابا وماما ملهمش صحاب بيجولهم او بنروحلهم وهكذا حتي ف رمضان مفيش اي عزومات نهائي ومفيش حد بيعزمنا ولا احنا كذلك بنعزم حد مش بخل نهائي خالص بس اهلي طول عمرهم ف حالهم ومن وانا صغيره بتكسف جدا وبخاف من الناس، حتي مكنش في اي حد بيحبني ولا بيصاحبني طول سنين الابتدائي وكنت كل يوم اجي اشتكي لماما بسبب اني مليش صحاب، لحد اخر سنه ليا ف ابتدائي قدرت اعمل كام صاحبه ولحد الان هما لسه معايا بس بعدنا لكن انا لوحدي ومليش اي صحاب خلينا نقول زمايل وتعاملات سطحيه ونادره جدا حتي قرايبي تعاملتنا معاهم قليله برضو ومش بنشوف بعض غير مره كل كام شهر دراستي كلها اونلاين مش بنزل غير درسين اتنين ومفيش عندنا حد بيروح المدرسه فا بالتالي مش بشوف اي حد ولا بتعامل برضو فا نظرا لاني طول عمري لوحدي تقريبا مش بعرف اتعامل مع الناس ازاي لو اتجمعنا ف مكان مثلا، بحس اني لسه طفله اوي ومش بفهم بسرعه التلميحات فاهمين قصدي والتعاملات الطبيعيه علي نياتي جدا فوق ما تتخيلو لانه ببساطه محدش بيرشدني ولا امي بتقولي اعمل اي ومعملش ايه هي بتلومني بس فا انا مش بعرف اتعامل ازاي او اتكلم ازاي ومع مين واي الطريقه الصح واسلم علي مين الاول ومين لا وامتي اتكلم ومتكلمش معرفش اي حاجه حرفيا خالص حتي لو في شخص مش بيحبني او مش عاوز يقرب مني انا مش بعرف احدد هل هو كده فعلا لا بدي اعذار وخلاص ده بالنسبه للتجمعات العائليه انما ك صحاب انا بقي مبعرفش اصاحب نهائي ولا بعرف اتعامل مع الناس اصلا وبكون مكسوفه وخايفه جدا ودايما بحس انهم بيكرهوني ومش عاوزين يصاحبوني اصلا فببعد حتي لو هما عاوزين يقربو فا ب اختصار عاوزه اعرف اي حل المشكله دي وازاي اتعامل واعمل صحاب لاني مليش ولا صاحبه زائد اني ثقتي ف نفسي صفر مع اني جمالي خلينا نقول ٨٠ف الميه بس مش بثق ف نفسي نهائي مهما الناس مدحوني وبحس انهم بيطبلولي وخلاص وعمري محسيت اني استاهل حاجه حلوه ودايما بحس اني قليله