السلام عليكم من اسبوع بالظبط كانت خطوبتي علي شخص الناس كلها شكرت فيه اخلاقيا ودينيا كتير جدا والله محدش إلا وقال عليه افضل الكلام اتقالى بيصلي الفجر حاضر وقيام الليل وشخص مسئول بيشتغل ومحترم وكل حاجه الكلام ده من ناس كتير المهم قعدت معاه رؤيه شرعيه وكنت مرتاحه وكنت حاسه اهلي مش مرحبين قوي بسبب الشراط بس أنا خليتهم وافقو وعملنا قرايه فاتحه علي الضيق لقيت امه بتعلق عليا اني مش حاطه ميكب كتير وده مينفعش أنا عروسه مع ان كنت حاطه بس قليل عشان أنا بحب ملامحي المهم أنا اتقفلت باقي الخطوبه واليوم عدي علي خير وكنت مبسوطه لقيته من تاني يوم بيسألني علي فلورز الانستا لو كنت شلت منهم حد قبل م أضيفه قولت لا هيكون مين يعني بس سكت وعملت نفسي مش واخده بالي بعدها ب يوم سألني تاني قولتله قصدك اي يعني هيكون ولد وشلته قالي يعني لو كدا اموتك قولتله لو مش واثق فيا تعال خد دهبك وكل حاجه نصيب قعد يقولي حقك عليا أنا آسف ومش هتتكرر تاني لقيته بقى بعد الخطوبه بيومين بالظبط سهر يتكلم حرفيا المكالمه كلها تجوزات في الكلام يعني بحبك وانتي كل حياتي وكلام اوفر اوفر بجد ويتكلم بطريقه مش طبيعيه كدا وانا مكسوفه جدا جدا ويقعد يبعت مسجات رومانسيه كتيره قوي وكلام حب اوفر وعاوزني ارد عليه ولو مردتش يحسسني اني مجبوره عليه ومش حباه ومش مدياه وش وبتقل لحد م حسيت اني اتسرعت نحيته وكنت مخنوقه جه عندنا زياره بعدها بيوم كان جايب معاه شكولاته وجاتوه وانا كنت قاعده معاه كنت مرتاحه جدا ومبسوطه وتكلمنا وقولت لا أنا متسرعه في الحكم عليه اول م روح قعد يشكر اني كنت جميله وكدا روحت لي اول مره قولت ربنا يخليك ليا هوا كان مصدوم جدا وفرحان راح قالي أقلك حاجه بيني وبينك قولتله اتفضل قالي امك ليه مكنتش عامله حمام أنا بحبه جدا ومن العادات عندنا لازم العريس كل م يروح يأكل حمام والله ماما كانت عامله اكل كتير لحمه فراخ كوفته مكرونه بشاميل مكنتش مقصره اتصدمت قولتله هي مكنتش لاقيه المره الجايه تعملك قالي ياريت تتصرف أنا بحبه جدا قولتله ان شاء الله راح قال أنا عايز في الصباحيه ديك رومي تحت لي امي وواحد ليا فوق وحمام كتير زاي ابن خالتي قولتله لا أنا مش هجبر اهلي علي حاجه قالي يعني افضح الدينا اتصدمت من كلامه وقولت ازاي يعني تقولي كدا قالي كلامي عادي مفهوش حاجه روحت قفلت في وشه التلفون ونمت قعد يرن كتير ويعتذر وحقك عليا وعمره زعلك ده ميهون عليا أبدا وقعد يتشقلب عشان أسامحه ومن وقتها وانا مقفوله منه مش طبقاه ومش عارفه أسامحه اعمل اي بالمناسبه طلع عندهم حق فعلا بيصلي قيام الليل والفجر وملتزم بس ومع أهله كويس هل عندي حق ولا أنا مستعجله في الحكم ولا مش هلاقي حد كويس ملتزم زاي كدا أنا عمري 24 بس من قري الصعيد وانتو عارفين السن ده اي عندهم