أنا شابة عندي27  سنة، كنت مخطوبة وفسخت من حوالي سنة. والتجربة دي سببت لي ألم كبير، ولسه مأثرة عليا لحد دلوقتي. بقيت أشك في نفسي وفي إني ممكن أتجوز بعد كده. بالرغم إني الحمد لله مَا عملتش أي حاجة غلط تغضب ربنا في فترة الخطوبة، ومكنتش أنا السبب الأساسي في الفسخ، بس فيه إحساس بالخجل والخسارة مسيطر عليا، كأني ارتكبت جريمة، وعايزة أبعد عن الناس. هل اللي حصل لي ده ابتلاء من ربنا وتكفير ذنوب؟ وهل تفكيري ده صح عشان أخفف من جلد الذات؟ وإزاي أقدر أداوي قلبي وأحس بالأمان والثقة في نفسي تاني؟ وما أعيش دور الضحية؟