بعد وفاة زوجي أخوه يطلب الزواج مني.. فهل أقبل؟

جوزي توفى من شهر الله يرحمه ويغفر له طبعا أنا لسه في شهور العدة. بس بعد وفاته بحوالي أسبوعين لقيت أخوه الكبير بيقولي اعملي حسابك إحنا عندنا الست مبتطلعش تتجوز بره بعد وفاة جوزها وأخو المتو.في أولى بمرات أخوه يلم عيال أخوه وبيته وقال كمان إن مراته ملهاش حق تعترض ولا حتى تتكلم في الموضوع. أنا سكت وقتها ومردتش عليه لكن من يومها وهو كل يوم تقريبًا يطلع يسأل علينا ويشوف ناقصنا إيه ويقعد يكلمني بطريقة فيها كلام حب واهتمام زيادة زي ما يكون خلاص اتخطبنا وأنا جوايا مستغربة ومش فاهمه في ايه طيب هو إمتى أصلا لحق يحبني أنا لسه حتى مكملتش شهر على و.فاة جوزي وبقى يقولي إحنا من دلوقتي كأننا مرتبطين ولو احتاجتي حاجه كلميني على طول ولما العدة تخلص نبقى نكمل الموضوع رسمي ولما سألته عن الشغل اللي كان بينه وبين جوزي لأن جوزي كان شريك معاه وليه نص في الشغل قالي إنتي متشغليش بالك بالحاجات دي إنتِي هتبقي مراتي وولاد أخويا هما ولادي وأنا هتصرف في كل حاجة والله حاسة إني تايهة ومش فاهمة أعمل إيه في موقف ده ولا حكيت لأهلي اي حاجه لأن ميصحش اصلا ده لسه جوزى مكملش شهر اقولهم ايه حتى مراته بدأت تلاحظ إنه بيطلع عندي كتير فجت قالتلي هما لو قالوا تتجوزي اخوه اللي هو جوزها يعني فإنتي لازم ترفضي الموضوع ده. قولتلها طب ما تروحي تكلميهم إنتي قالت منا هقولهم وهخر ب الدنيا فوق دماغهم بس لو الموضوع أتفتح قدامي رسمي انا طبعا مردتش اقولها الكلام اللي قاله ليا هي بس حاسه من اهتمامه بيا بس بعدها عرفت انها مقدرتش تسكت وده طبعا بسبب برده طلوعي عندي كل شوية وبجيب لنا الطلبات فهي كلمته فعلا ومعرفش ايه اللي حصل بينهم بس بقى يعاملها بطريقة وحشة وهي كانت زعلانه حتى مش بتسلم عليا بس دلوقتي تقريبا اتصالحوا و بقت تتعمد تقعد جنبه قدامي وتحط إيدها على كتفه وتهتم بنفسها زيادة واوفر اوي رغم اننا في حداد لسه الاربعين مجاش وبتقوله يا حبيبي قدامي رغم اني عمري ما سمعت منها الكلمة ديه قبل كده بس هي أكيد عشان تستفزني. وأنا من غبائي قلت لازم أضايقها زي ما بتضايقني فبقيت أتكلم معاه عادي وأهزر معاه قدامها بس هو تمادى أكتر وبقى أوقات يمسك إيدي ولما أعترض يزعل ويقلب وشه. وأنا أصلا مش عايزة أزعله وفي نفس الوقت مش عارفة اللي بيحصل ده صح ولا غلط وحلال ولا حرام وهل أصلًا أوافق على الجواز ده ولا لأ وارجع عند اهلي فترة واشوف ورث عيالي اللي ابوهم سايبه مع عمهم ده ولا اعمل ايه انا مش عايزه مشاكل ومش ملهوفه اوي على الجواز لاني كنت بحب جوزي اوي وصعب راجل ياخد مكانه بالسهوله ديه بس مش عارفه اعمل ايه عايزه نصياحكم في الموقف بتاعي ده اعمل ايه واتصرف ازاي انا معايا بنت وولدين أكبرهم البنت ١٢ سنة